Kurdî-sorani

ئێمەی پێشەنگان بۆ ئەوە هەین کە گشت منداڵان و مێرمنداڵان مافی ئەوەیان هەیە کاتی ئازادی پڕبایخ و باشیان هەبێت. ئەوان لە لای ئێمە لە شوێنێکی پڕ لە هێمنایەتیدا پێدەگەن و هەست بە هاوبەشێتی دەکەن. ئێمە دۆستایەتی و پێشهاتی سەرنجڕاکێشیان بۆ مسۆگەر دەکەین. پێشەنگان ڕێکخراوێکی سەربەخۆیە و سەر بە هیچ ڕێکخستنێکی سیاسی یا ئایینی یان شەریکەیەک نییە. هاتنی هەمووان بۆ ناو پێشەنگان ئازادە

خەونی ئێمە ئەوەیە: "گەنجەکانن کە دنیایەکی جوانتر دەخوڵقێنن". ئێمە بەردەوام بۆ گەشەی تاکەکەسیی گەنجان کار دەکەین. منداڵان و مێرمنداڵان لە لای ئێمە بۆ گەشەی توانستی ڕێبەرایەتی، زانیاریی تاکەکەسی، ڕێز گرتن لە خۆ و توانایی چالاکی لە ناو گرووپدا تێدەکۆشن. گەنجەکان لە ڕێکخراوی ئێمەدا فێری وەخۆگرتن و دیموکراسی دەبن. لە لای ئێمە ڕێبەرانی داهاتووی کۆمەڵگا و باشترکەرانی جیهان، پێدەگەن

ڕێکخراوی پێشەنگان شێوازی تایبەتی خۆی هەیە کە بە شێوازی پێشەنگان ناوی دەرکردووە. لەم شێوازەدا منداڵان و مێرمنداڵان بە کارکردن و تاقیکردنەوە لە گرووپی بچووکدا کە پێی دەگوترێ پاترۆڵ، شتی نوێ فێر دەبن. ڕێکخراوی پێشەنگان دەیەوێ کە گشت منداڵ و مێرمندالان بتوانن سەرەڕای بارودۆخیان بە ئێمە پەیوەست بن. هەر بۆیەش ئێمە بابەتی پێویست و خولێکی پەروەردەمان هەیە تا ڕێبەران بتوانن چالاکییەکانیان لەگەڵ پێداویستیی گرووپەکاندا ڕێک بخەن

بەهاکانی ئێمە بەردی بناغەی ڕێساکانی پێشەنگانن و لە هەموو ئەو کارانەدا کە دەیانکەین هەن

:بەهاکان ئەمانەن

ئێمە هیواخوازین: ئێمە هیوای جیهانێکی باشتر دەخوازین. پێشەنگان بۆ دادپەروەری، ژینگە و مرۆڤایەتی تێدەکۆشن. ئێمە گرنگی هەم بە کێشە خۆجێییەکان دەدەین هەم بە جیهانییەکان

سروشت، هاونشینی ئێمەیە: پێشەنگان ململانێی وەها دەئافرێنن کە تێیدا سروشت، کەسەکان بۆ هاوکاری و ڕێگەچارە بانگهێشتن دەکات. ئێمە هیچ لەمپەرێک بەدی ناکەین. ئێمە پارێزگاری لە سروشت و گەشەیەکی خۆڕاگر دەکەین

ژوانگەی ئێمە هەموو جیهانە: ئێمە یەکتر دەناسین و بۆ ئاشتی تێدەکۆشین. پێشەنگان لە هەموو جیهاندا هەن. ئێمە جیاوازین بەڵام هاوکاتیش وێکچووین

دڵی ئێمە فراوانە: ئێمە پێشوازی لە گشت منداڵان و مێرمنداڵان دەکەین، بەو جۆرەی هەن. ئێمە گرنگی دەدەینە یەکتر و ڕێز لە یەک دەگرین. ئێمە دۆستانی بە ئەمەگین

Trygga möten

چاوپێکەوتنی ئەرخەیان

هەموو منداڵان مافی ئەوەیان هەیە کاتی ئازادی ئارام و ئەرخەیانیان هەبێت. ئامانجی پێشەنگان ئەوەیە کە هەموو چالاکییەکانی پڕ بێ لە دڵنیایی و ئەرخەیانی و بەدوور بێ لە توندوتیژی و سووکایەتی. لە لای ئێمە ڕێبەران بۆ کاردانەوە لە بەرامبەر ئەو شتانەی ڕوو دەدەن پشتیوانیان لێ دەکرێ. پێشەنگان لە ڕێی پەروەردەی ڕێبەری و ئامادەکردنی بابەتی پێویست بۆ منداڵان و مێرمنداڵان، خەریکی کاری پێشگرانە دەبن. بێت و پێویست بێت ئەوا ئێمە پشتیوانی و ڕاوێژکاری دەدەینە دایکوباوکان و ئەنجومەنە پێشەنگەکان. بەشداری لە خولی پەروەردەی "چاوپێکەوتنی ئەرخەیان"دا بۆ هەموو ڕێبەرانی پێشەنگ پێویستە. ڕێبەرانی پێشەنگ دەبێ هەر سێ ساڵە و جارێک بەڵگەنامەیەک لەسەر ئەوەی لەم ماوەیەدا تووشی هیچ تاوانکارییەک نەبوون پێشکەش بکەن

ڕێژەی ئێمە هەر دێ و زیاتر دەبێ

پێشەنگان لە زێدەبووندان و ڕێکخراوی ئێمە هەر ئێستا زیاتر لە ٧٥ هەزار ئەندامی لە سەراسەری وڵاتدا هەیە. پێشەنگان هەروەها لە هەموو دنیادا هەن و سەرجەم زیاتر لە ٥٠ میلیۆن کەس لە تۆڕێکی نێونەتەوەییدا ئەندامن

!تۆش بەخێر بێیت بۆ ناو ئێمە

Need translation?

Need more information in English or another language?

A lot of our webpages written in Swedish translates well with Google Translate. If you use Chrome as your web browser, you can easily translate the desired webpage with just a few clicks. Here´s how you do it:

Open the webpage in Google Chrome
Right click anywhere on the site
Click on ”Translate to english/swedish/other language”
A small tool window appears up in the right corner of your web browser
Click on your desired language. If you cant see your desired language in the translation tool, click on the three small dots and choose another language
Voilá! The page is now translated. If you're lucky, you might as well get some good laughs from some oddly translated word that might appear from Google.

If you still can´t find what you're looking for, please send us an e-mail at: info@scouterna.se and we will try to help you out.